Sosial şəbəkə kontenti və video montaj üzrə təcrübəçi tələb olunur

**Eldost İnşaat şirkətinə sosial şəbəkə kontenti üzrə təcrübəçi tələb olunur**

Eldost İnşaat olaraq marketplace və onlayn satış platformalarında fəaliyyətimizi genişləndiririk. Şirkətimizin satdığı usta alətləri, əl alətləri, tikinti materialları, DINGQI brendi məhsulları və digər məhsulların sosial şəbəkələrdə tanıdılması üçün kontent hazırlamağı bacaran, öyrənməyə açıq və yaradıcı təcrübəçi axtarırıq.

**Vəzifə öhdəlikləri:**

* TikTok, Instagram Reels və digər sosial şəbəkələr üçün qısa video kontentlərin hazırlanması;
* Məhsulların kamera qarşısında təqdim edilməsi;
* Məhsul tanıtımı, reklam və məlumat xarakterli videoların çəkilişində iştirak etmək;
* Çəkilən videoların montaj edilməsi;
* Sadə video düzəlişləri, subtitr, musiqi, keçid və vizual effektlərin əlavə olunması;
* Məhsullar haqqında verilən məlumatları öyrənib aydın və düzgün formada təqdim etmək;
* Kontent ideyaları vermək və sosial şəbəkə üçün yaradıcı təkliflər hazırlamaq;
* Marketplace və onlayn satış üçün məhsul təqdimatlarının daha cəlbedici formada hazırlanmasına dəstək olmaq.

**Tələblər:**

* Kamera qarşısında sərbəst və özünəinamlı danışıq bacarığı;
* Azərbaycan dilində aydın, səlis və düzgün danışıq;
* Diksiyası yaxşı, nitqi anlaşılan və təqdimat qabiliyyəti olan;
* Səliqəli, təqdimatlı və kamera qarşısında peşəkar görünüşə sahib;
* TikTok, Instagram Reels və qısa video formatları haqqında anlayışı olan;
* Video montaj proqramları və ya mobil tətbiqlərlə işləmə bacarığı olan;
* CapCut, Canva, VN, InShot, Adobe Premiere və ya oxşar proqramlardan ən azı biri ilə işləmə bacarığı üstünlükdür;
* Məhsul reklamı və satış yönümlü kontent hazırlamağa maraqlı;
* Öyrənməyə açıq, məsuliyyətli və yaradıcı;
* Tikinti materialları, usta və əl alətləri sahəsinə marağı olan namizədlərə üstünlük veriləcək;
* Təcrübə vacib deyil, əsas olan bu sahəyə maraq, öyrənmək istəyi və nəticə göstərmək bacarığıdır.

**İş qrafiki:**

* İş yarı ştatdır;
* Həftənin 5 günü;
* İş saatı: 16:00–20:00;
* Şənbə və bazar günləri iş yoxdur.

**Təcrübə müddəti və ödəniş:**

Bu vakansiya ilkin mərhələdə təcrübə proqramı formasındadır. Təcrübə müddəti namizədin gördüyü işin nəticəsinə, kontentlərin effektinə və işə yanaşmasına əsasən dəyişə bilər.

Təcrübə müddətində yol və digər kiçik xərclərin qarşılanması üçün aylıq 200 AZN ödəniş nəzərdə tutulur.

Görülən işin nəticəsinə əsasən qarşılıqlı razılıqla iş qrafiki tam ştata keçirilə və əməkhaqqı yenidən müzakirə oluna bilər.

Yalnız təcrübə qazanmaq istəyən namizədlərə isə proqramın sonunda Eldost İnşaat şirkətində təcrübə keçməsi ilə bağlı rəsmi sənəd təqdim ediləcək.

**Kimlər müraciət edə bilər?**

* Sosial şəbəkə kontenti sahəsində özünü inkişaf etdirmək istəyənlər;
* Video çəkməyi və montaj etməyi bacaranlar;
* Kamera qarşısında danışmaqdan çəkinməyənlər;
* Satış, reklam və məhsul təqdimatı sahəsinə marağı olanlar;
* Aşağı büdcə ilə real nəticə yaratmağı bacaran yaradıcı şəxslər.